Left Hand Rotation: o interrogatorio

Xul 8, 2011

O (S8), aínda xa finalizada a súa segunda edición, segue dando os seus froitos. Aquí temos o testemuño filmado que logramos obter de Left Hand Rotation, logo de interceptarlos polos recunchos do Antigo Cárcere Provincial de A Coruña. A célula deste grupo sempre á contra, segue articulada e conspirando de novos e creativos xeitos, como deixou testemuño o seu paso polo (S8) coas instalacións Trucador e Atención: Spoiler. Aquí os seus membros, que prefiren non revelar a súa identidade, cóntannos que é e que se propón Left Hand Rotation.

Etiquetas: , , ,

Vari Caramés: a mirada redonda

Xuñ 23, 2011

A colaboración do admirable (e admirado) Vari Caramés no (S8) é un soño longamente acariñado polos seus organizadores, que finalmente se materializou na segunda edición a través da instalación «Pegadas…». Unha instalación que naceu coa mesma Mostra, ao penetrar no territorio inexplorado e turbador do Antigo Cárcere Provincial deA Coruña, escenario do que Caramés soubo extraer toda a súa savia emocional e significativa. Falamos con Vari Caramés, que nos relata súa relación co Cárcere e a concepción mesma desta obra única da que puidemos gozar nesta segunda edición do (S8). info

Etiquetas: , , ,

Aliados en e coa periferia

Xuñ 10, 2011

O (S8) deu moito de si. Durante os días da Mostra, exploramos da man dos nosos protagonistas os máis recónditos recunchos do Antigo Cárcere, para falar do traballo e as impresións de cada un. A serie comeza con Ángel Rueda, director do (S8), e Beatriz Navas, responsable de audiovisuais de La Casa Encendida, que sosteñen un diálogo sobre os novos camiños do cine e, sobre todo, as vías polas que as creacións máis estimulantes vanse abrindo paso ata o público.

Etiquetas: , , ,

Clausura, que non final

Xuñ 7, 2011

Este domingo a segunda edición do (S8) tocou ao seu fin. Unha clausura que non é máis que un punto e seguido, da que esperamos sexa unha cita constante para o público inquedo e atento á evolución do cine que se achegou durante estes días ao Antigo Cárcere. Unhas 5.000 persoas, ás que queremos agradecer polo seu apoio a unha proposta arriscada pero vital. Como Angel Rueda, director da mostra, puntualizou, «Significa que o festival superou a fronteira da curiosidade cara ao edificio. Este ano houbo menos paseantes e máis participantes. A xente respondeu e mostrou interese. Reafírmannos na nosa aposta pola calidade». Por iso, aínda que esta edición apenas acaba de terminar, xa estamos pensando na seguinte. info

Etiquetas: , , , , ,

Zoe Beloff pecha o (S8) levándonos a outra dimensión

Xuñ 5, 2011

A última xornada do (S8) ten como protagonista especial a Zoe Beloff. Ademais de poder ver unha mostra dos seus traballos, a artista porá un peche á Mostra transportándonos a outra dimensión coa súa performance en 3D analóxico Claire and Don in Slumberland. Falamos con Zoe Beloff, que nos entreabre unha porta aos seus mundos imaxinarios. info

Etiquetas: , , ,