A colaboración do admirable (e admirado) Vari Caramés no (S8) é un soño longamente acariñado polos seus organizadores, que finalmente se materializou na segunda edición a través da instalación «Pegadas…». Unha instalación que naceu coa mesma Mostra, ao penetrar no territorio inexplorado e turbador do Antigo Cárcere Provincial deA Coruña, escenario do que Caramés soubo extraer toda a súa savia emocional e significativa. Falamos con Vari Caramés, que nos relata súa relación co Cárcere e a concepción mesma desta obra única da que puidemos gozar nesta segunda edición do (S8).

De momento, quedámonos con algunhas das imaxes dun domingo emocionante.

Obradoiro de Cinema Mudo para nenos e nenas: Lotte Reiniger

Cinema-Danza "Fume". De Ángela Blanco

Zoe Beloff proxectando en 16mm

Playtime Audiovisuais explicaron, na súa intervención, o contido do seu ciclo titulado «Imagenes rodadas, películas roubadas e son panayonqui». Ademais de testemuñar a saúde do cine de apropiación, Playtime recalcaron a autonomía do videoclip como obra en si mesmo, «non só como vehículo de promoción. Na nosa mostra, intentamos que o videoclip tivese máis protagonismo que a música, ao revés do habitual, resaltando o traballo do autor do mesmo». Apuntaron, ademais, que o ciclo constitúe unha excelente oportunidade de ver estas pezas en pantalla grande e nunha sala de cine, en lugar de como ven habitualmente (en youtube, por exemplo).

Beatriz Navas, pola súa banda, falou de como «o audiovisual que máis chega ao público é a ficción, pero o máis interesante deste campo ocorre en formatos como o cine experimental e o videoclip». Resaltou, ademais, o empeño de La Casa Encendida de facer esta clase de obras visibles, en mostras como a que se trouxo ao (S8). Un festival, o (S8), que segundo Navas «é un festival único en España, co que desexamos seguir colaborando».