(S8) Mostra de Cinema Periférico

É un evento cinematográfico internacional que reúne as novas tendencias cinematográficas que na actualidade están a ser vangarda e que supoñen a renovación dunha arte, “ O CINEMA” que arestora está en plena transformación.
O seu nome “S8“, fai referencia directa ao formato cinematográfico de Super 8, esencia da “Mostra”.
Este popular formato foi testemuña directa do noso pasado recente e a ferramenta elexida por cineastas e artistas de vangarda á hora de realizar os seus primeiros traballos fílmicos ou máis experimentais.
Sen esquecer a obra de autores contemporáneos que nos lembran, que os vellos formatos seguen a estar máis vivos ca nunca naquelas películas e instalacións onde se celebra o amateur, pop e familiar e o cinema «con maiúsculas».
Esta exploración a través das periferias do cinema, achéganos a un “Cinema Novo” que se desenvolve no seo das novas tecnoloxías, sen esquecer as tradicionais.
A Mostra quere ser unha canle que fomente as novas formas de expresión a través da imaxe e ser testemuña dun cine en permanente evolución.

Para iso, na programación terán espazo tanto retrospectivas inéditas, ciclos específicos, revisión de arquivo histórico, masterclass de artistas nacionais e internacionais, instalacións interactivas…así como un Observatorio que exercerá de workshop e punto de encontro entre creadores, axentes artísticos, distribuidoras e centros culturais contemporáneos.
Do mesmo xeito, queremos mostrar atención as novas vías co Súper8 atopou para converterse nunha ferramenta renovada nas mans dos novos creadores, á hora de afrontar os seus traballos contemporáneos como performances, instalacións ou video arte.
(S8) Mostra de Cinema Periférico terá lugar en A Coruña do 3 ao 6 de Juño de 2010. A súa sede estará fixada no antigo Cárcere Provincial. Un edificio histórico que será reciclado temporalmente como espazo cultural ubicado xunto a Torre de Hércules, monumento declarado Patrimonio da Humanidade-.